Zelensky: Lufta mund të përfundojë nëse Ukraina merret nën ombrellën e NATO-s

Presidenti Volodymyr Zelensky ka sugjeruar që pjesët e Ukrainës nën kontrollin e tij duhet të merren “nën ombrellën e NATO-s” në përpjekje për të ndaluar “fazën e nxehtë” të luftës.

Ai u pyet nga Sky News nëse do të pranonte anëtarësimin në NATO, por vetëm në territorin që aktualisht mban Kievi, transmeton Klankosova.tv.

Zelensky tha se do ta bënte, por vetëm nëse anëtarësimi në NATO i ofrohet së pari të gjithë Ukrainës, brenda kufijve të saj të njohur ndërkombëtarisht.

Ukraina më pas mund të përpiqet të negociojë kthimin e territorit aktualisht nën kontrollin rus “në një mënyrë diplomatike”, tha ai në një intervistë të gjerë.

Por sugjerimi është shumë teorik. Zelensky nuk po bën asnjë propozim të ri – kjo ishte një intervistë televizive, jo një forum diplomatik – por ai po dërgon sinjale, sipas BBC-së.

Nëse NATO do ta konsideronte ndonjëherë një veprim të tillë nuk dihet ende.

“Ukraina nuk e ka konsideruar kurrë një propozim të tillë, sepse askush nuk na e ka ofruar zyrtarisht atë”, tha Zelensky.

NATO-s do t’i duhet të ofrojë anëtarësim për të gjithë vendin, duke përfshirë ato pjesë që aktualisht janë nën kontrollin rus, tha ai.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.