Ymeri në protestën e radhës me kërkesa të reja

Kryetari i Lëvizjes Vetëvendosje, Visar Ymeri bëri të ditur se do të ketë një protestë të radhës, si pasojë e mosplotësimit të kushteve të kërkuara nga ajo paraprake.

Ymeri në një konferencë për media të mbajtur në seli të VV-së, tha se në protestat e radhës do të shtohen edhe disa kërkesa të tjera.

“Qeveria po tregon se nuk është e gatshme të respektojë kërkesat e qytetarëve dhe është vënë në shërbim të zaptuesve”.

“Me këtë Qeveri, e cila ka treguar se nuk është e gatshme ta drejtojë vendin në kahje të drejtë, që tregon se e ardhmja nuk është e mirë, është e domosdoshme që të intensifikohen problemet politike”.

“Përveç temave që kanë qenë në protestën e kaluar mund t’i shtohet edhe çështja e kufirit me Malin e Zi dhe e drejta e Listës Serbe që të jetë pjesë e privatizimit”, ka thënë Ymeri.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.