Xhiroja e fundit në elitën e basketbollit vendor zhvillohet në mesjavë NULL NULL 03.04.2024 16:32 03.04.2024 16:32 Basketboll Fotoilustrim Sot dhe nesër zhvillohet xhiroja e fundit në Prince Caffe Superligën, që do të vendosë përfundimisht se, kush do të jetë në vendin e dytë dhe cilat do të jenë çiftet çerekfinale të “Play-off”-it. Sonte do të përballen Bashkimi dhe Peja, sfidë që do të zhvillohet në Pejë. Dueli pritet të jetë mjaft interesant, pasi Peja ka 18 fitore e nëntë humbje, aq sa ka edhe Golden Eagle Ylli dhe këto dy skuadra duan vendin e dytë që të kualifikohen direkt në gjysmëfinale. Ndërkohë, prizrenasit janë në vendin e gjashtë me 11 fitore e 16 humbje. Sigal Prishtina-Vëllaznimi është sfida tjetër, por që zhvillohet në Gjakovë, që është një përballje testuese para “Play-off”-it, pasi këto dy skuadra do të ndeshen në çerekfinale të “Play-off”-it, ku renditen në pozitën katër, përkatësisht pestë. Ndeshja e fundit zhvillohet të enjten mes Golden Eagle Yllit dhe Trepçës, dy skuadra që u ndeshen në finale të Ligës Unike të Meshkujve, e që përfundoi me fitoren e mitrovicasve. ‘Xehetarët’ kanë siguruar vendin e parë me 25 fitore e dy humbje, derisa therandasit numërojnë 18 fitore e nëntë humbje. Dueli Istogu-Proton Cable Prizreni është zhvilluar më herët, duke përfunduar me fitoren e prizrenasve 99:108. Prince Caffe Superliga-Java 28 E mërkurë 20:00 Bashkimi-Peja 20:00 Sigal Prishtina-Vëllaznimi E enjte 20:00 Golden Eagle Ylli – Trepça *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
Basketboll Nis sezoni pranveror i basketbollit, të gjitha ndeshjet ekskluzivisht në Artmotion dhe Klan Kosova 1 month