Xhevxhet Tahiri: Kam kandidu për Dragashin vetëm me tregu që Balli Kombëtar ende është gjallë

Xhevxhet Tahiri: Kam kandidu për Dragashin vetëm me tregu që Balli Kombëtar ende është gjallë

NULL NULL
1 week më parë

Xhevxhet Tahiri nga partia Balli Kombëtar i Kosovë, i cili garon për kryetar të Komunës së Dragashit, i ftuar në Edicionin Zgjedhor ka thënë se kandidimin për këtë pozitë e ka bërë vetëm për për të treguar se Balli Kombëtar nuk është shuar.

“Kam kandidu vetëm me tregu që Balli Kombëtar ende është gjallë”, është shprehur Tahiri.

Tahiri ka thënë se kjo komunë është duke prodhuar vetëm kurbetçinj dhe është komuna më e varfër në Kosovë.

“Komuna jonë prodhon vetëm kurbetçinj. Komuna jonë është më e varfra në Kosovë”, ka thënë ai.

Sipas tij duhet një mandat i plotë për t’u realizuar projektet e kaluara që janë premtuar.

“Ka shumë punë komuna e Dragashit me projektet të kalume që s’janë realizue. Duhet një mandati i plotë vetëm projektet me i realizue”, ka thënë ai.

Ai u shpreh se nuk mund të premtohet për zhvillim të bujqësisë e blegtorisë pasi sipas tij, nuk ka blegtori e bujqësi.

“S’mundem me premtu që kemi me zhvillu bujqësinë e blegtorinë se s’ka aty blegtori e bujqësi.. Për blegtori e bujqësi le ta harrojnë, se asnjani nuk e ka ni pulë ose një lopë , e le mo dele, s’kanë me çka lëvdohen këta. Unë i kom të gjitha. Unë i kom 30 copa pula e kom serrën me lula, domate kastarveca”, ka theksuar Tahiri.

“Për bujqësi duhen fara cilësore, për blegtori grumbullimin ku shkojnë i blejnë qengjat, delet edhe t’i hekim me shumicë”.

Sipas tij në Dragash mund të zhvillohet edhe turizmi veror edhe ai dimëror.

“Te ne mundet turizmi veror dhe dimëror me u zhvillue. Verës i kemi bashkëatdhetarët që vijnë, dimrit mundemi me e zhvillu turizmin dimëror se bjeshkët i kemi të përshtatshme”.

“Janë t’u dhanë mendime marramendëse. Ujin ku na e kemi nuk pihet ma, pa u ndërtu ni fabrikë që uji tëe pastrohet të filtrohet. Ma përparësi i kisha dhanë për momentin fshatit Brezne, se s’kanë as ujë të pijshëm as për me u la”.

Komuna e Dragashit, sipas Tahirit, infrastrukturën e ka të përkryer, por që problem ai e sheh mungesën e mjekëve.

Për katër vjet, Tahiri ka paraparë furnizimin e gjithë komunës me ujë të pijshëm.

“Për katër deri pesë vjet krejt komuna do të ketë ujë, katër deri në pesë vjet për me pasë një ujë normal për me e pi njerëzit atje”, është shprehur ai.