Lajmet e fundit
Ylli i San Antonio Spurs, Victor Wembanyama, ka vendosur të organizojë një mini-kamp stërvitor në Paris, ku do të mblidhen 8 deri në 10 lojtarë dhe trajnerë të skuadrës teksane për të nisur përgatitjet për sezonin e ri.
Lajmi është konfirmuar nga CEO i Spurs, R.C. Buford, i cili theksoi se iniciativa synon të forcojë edhe më shumë lidhjen mes lojtarëve, si dhe të ndihmojë për integrimin e përforcimeve të reja përpara kampit zyrtar stërvitor, transmeton Klankosova.tv.
Në të njëjtën kohë, Wembanyama vazhdon të jetë në qendër të vëmendjes edhe jashtë parketit.
Vetëm pak ditë më parë, francezi firmosi një marrëveshje të re afatgjatë me Nike, e cila përfshin edhe krijimin e linjës së tij të parë të atleteve me firmën personale. Marrëveshja është një tjetër tregues i ndikimit gjithnjë në rritje të 22-vjeçarit, i cili këtë verë ka rinovuar gjithashtu kontratën me Spurs deri në sezonin 2031/32.
Pas humbjes në Finalet e NBA-së sezonin e kaluar, Spurs nuk duan të humbin kohë. Organizata ka nisur menjëherë punën për sezonin 2026/27, ndërsa Wembanyama vazhdon të dëshmojë se është jo vetëm lideri në parket, por edhe jashtë tij.
