Vuçiq e dekoron Handken me “Urdhrin Ylli i Karagjorgjit”, për Kosovën është person “non-grata” NULL NULL 10.05.2021 00:26 10.05.2021 00:26 Presidenti i Serbisë, Aleksandar Vuçiq, e ka dekoruar me medaljen “Urdhri i Yllit të Karagjorgjit” shkrimtarin austriak dhe fituesin e çmimit Nobel, Peter Handke. Tanjug ka shkruar se Vuçiq e ka falënderuar Handken për të gjitha ato që i ka bërë për Serbinë dhe serbët. Handke është kritikuar për qëndrimet e tij “pro-serbe” dhe për përkrahjen që ia kishte dhënë ish-presidentit serb, Sllobodan Millosheviq – i akuzuar për gjenocid. Ish-ministri i Punëve të Jashtme në Kosovë, Behgjet Pacolli, e kishte shpallur person jo të mirëpritur në Kosovë, austriakun Peter Handke, më 11 nëntor të vitit 2019. ”Sot kam vendosur të shpalli Peter Handke si jo të mirëpritur në Kosovë. Ai është një person non-grata nga sot. Mohimi i krimeve dhe mbështetja e kriminelëve është krim i tmerrshëm”, kishte shkruar Pacolli në rrjetin social Facebook. Handke pasi kishte fituar çmimin Nobel në vitin 2019 kishte marrë reagime të shumta të cilat të gjitha ishin kundër asaj që ai e kishte pranuar këtë çmim. Ai edhe në Sarajevë ishte shpallur person “non-grata”, transmeton Klan Kosova. *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
Lajme Raporti i OKB-së thotë se vdekjet nga dhuna e bandave në Haiti janë rritur në vitin 2024 47 sekonda më parë
Kosova 25 vjet nga masakra e Izbicës: Muhamet Alidemaj, i vetmi i dyshuar që po gjykohet (VIDEO) 6 minuta më parë