Vriten dy gra në një qendër islamike në Portugali

Dy gra janë vrarë me thikë në një qendër islamike.

Rasti ka ndodhur në kryeqytetin e Portugalisë, në Lisbonë.

Gratë ishin portugeze dhe punonin në këtë qendër, derisa i dyshuari ishte afgan.

Kështu deklaroi Narzim Ahmad, kryetari i kësaj qendre.

I dyshuari u qëllua nga ana e policisë.

Siç raporton BBC, ai ishte i armatosur me një thikë të madhe, dhe pasi nuk iu bind urdhrave të organeve të rendit u qëllua në këmbë, përcjell Klankosova.tv

Më pas, ai u dërgua në një spital të Lisbonës dhe iu caktua masa e paraburgimit.

Përveç dy grave që vdiqën, u plagosën edhe disa persona të tjerë, por që nuk u dha detaje për ata.

Kryeministri portugez, Antonio Costa, tha u tha gazetarëve se sulmi ishte akt kriminal.

“Gjithçka tregon se ky është një incident i izoluar. Janë duke u hetuar motivet e këtij akti, por është shumë herët për të spekuluar mbi motivet”, tha Costa.

Myslimanët shiitë ismaili, të njohur përgjithësisht si ismailitë, i përkasin degës shiite të islamit, sipas faqes së tyre të internetit.

Ata jetojnë në më shumë se 25 vende të botës/ Klankosova.tv

Rrini të informuar mbi zhvillimet kryesore duke u bërë pjesë e komunitetit tonë në Viber.

BONUS: Merreni aplikacionin tonë në Android dhe iOS.