Vrasja e dyfishtë në Klinë, policia tregon se çka u gjet në vendin e ngjarjes

Klina u trondit të mërkurën.

Dy persona u vranë nga arma e zjarrit në një lokal, të dy familjar mes vete, njofton Klankosova.tv.

Dorasi është arrestuar, ndërsa policia ka dhënë detaje se çka u gjet në vendin e ngjarjes.

Në vendngjarje sipas policisë u sekuestruan:

– Një Revole CANIK9x19 nr. serik: T6472-18BG17340;

– Një karikator;

– Katër fishekë, dhe

– Tri gëzhoja.

I dyshuari J. H. është arrestuar dhe pas intervistimit me urdhër të Prokurorit shtetit është ndaluar për 48 orë.

Lidhur me rastin, zëdhënësi i Prokurorisë Themelore në Pejë, Shkodran Nikçi ka njoftuar se do të intervistohen edhe shumë persona të tjerë.

“Nga të shtënat me armë zjarri kanë humbur jetën dy persona, ndërsa personi i dyshuar është larguar nga vendi i ngjarjes, dhe për fat të mirë njësitet policore në Klinë kanë lokalizuar personin e dyshuar, dhe më pas e kanë arrestuar”, tha Nikçi për Ora Shtatë në Klan Kosova.

Prokuroria jep detaje të reja lidhur me vrasjen e dyfishtë në Klinë

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.