Vitia: Nga nesër gastronomisë i lejohet të punojë duke respektuar masat anti COVID-19 NULL NULL 18.04.2021 19:18 18.04.2021 19:18 Nga nesër (e hënë) nisin shërbimet e gastronomisë dhe hapen qendrat tregtare duke i respektuar masat anti COVID-19. Kufizimi i lëvizjes do të vazhdojë të jetë nga ora 22:30 deri në 05:00. Qeveria e Kosovës është mbledhur sot për të marrë vendim lidhur me masat e reja anti COVID-19. Ministri i Shëndetësisë, Arben Vitia, ka njoftuar se në bazë të analizave të fundit, kanë ardhur me propozim vendim për masat e reja që kanë të bëjnë me heqjen e disa kufizimeve të pjesshme, njofton Klan Kosova. “Nga data 19 prill [nesër], institucioneve publike dhe private të arsimit iu lejohet ta vazhdojnë aktivitetin e tyre në mënyre të rregullt duke respektuar masat për parandalimin e përhapjes së pandemisë”. “Shërbimet e gastronomisë lejohen të zhvillojnë aktivitete, mirëpo duhet të mbahet distanca e tavolinave”. Vitia po ashtu ka njoftuar se edhe qendrave tregtare iu lejohet që të vazhdojnë aktivitetet e tyre, por gjithnjë duke i respektuar masat për mospërhapjen e pandemisë. Ndërsa sa i përket orës kufizuese, ai ka thënë se fillon në orën 22:30 dhe zgjatë deri në 05:00 të mëngjesit. klankosova.tv *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
