Veturat e Kohës dhe T7 demolohen gjatë natës në Zveçan

Asociacioni i Gazetarëve të Kosovës ka bërë të ditur se veturat e ekipit të KOHËS edhe e mediumit T7 në mëngjesin e sotëm janë gjetur tërësisht të demoluara.

Sipas AGK-së, në video shihen xhamat e thyer, gomat e shpërthyera e simbole nacionaliste të shënuara në veturë.

“Asociacioni i Gazetarëve të Kosovës është thellësisht i shqetësuar me pamjet e dhëna nga këto dy mediume, dhe u bëjmë thirrje të gjithë kolegëve që të kenë kujdes të shtuar gjatë raportimit”, thuhet në reagim, transmeton Klankosova.tv.

Tutje, AGK-ja i ka bërë thirrje organeve kompetente që të ofrojnë siguri për gazetarët që raportojnë në këto komuna, dhe t’i hetojnë me prioritet sulmet ndaj medieve që kanë ndodhur dje.

Kujtojmë se dje ekipet e disa televizioneve nga Kosova e Shqipëria janë sulmuar, ku vetura e TV Syrit është sulmuar edhe me plumba.

Rrini të informuar mbi zhvillimet kryesore duke u bërë pjesë e komunitetit tonë në Viber.

BONUS: Merreni aplikacionin tonë në Android dhe iOS.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.