Vetura e parë gratis, e dyta me para – rregullorja e re e “Prishtina Parking” (VIDEO)

Makina e parë do të jetë falas, megjithatë do të paguhet regjistrimi. Kështu do të rregullohet shfrytëzimi i “Prishtina Parkingut” për banorët rezidentë.

Kjo do të mund të ndodhë pasi vendimi të kalojë në Kuvendin Komunal, e pritet të hyjë në fuqi gjatë korrikut.

Megjithatë, sa do të kushtojë tarifa e regjistrimit nuk është vendosur ende.

“Sa për të mirëmbajtur dhe administruar sistemin digjital me të cilin operojmë, mirëpo ata kur kalojnë në zonat tjera duhet të paguajnë si gjithë banorët tjerë”, u shpreh Sokol Havolli, kryeshef  i “Prishtina Parking”.

Derisa vizitorët do të vazhdojnë të paguajnë njëjtë, por qasja e këtyre të fundit sipas rregullores së re parashihet të kufizohet në orët e pasdites.

E përfituesit potencialë të kësaj rregulloreje e mirëpresin vendimin.

Përfaqësuesja e lagjes “Qendër”, Violeta Hasani, tha se duhet t’u mundësohet pa pagesë edhe vetura e dytë, si dhe të ketë më shumë investime në këtë pjesë nga “Prishtina Parking”.

E këso lehtësira në pagesa po duan të kenë edhe bizneset.

Mirëpo Havolli tha se bizneset nuk do të përfshihen në këto lirime e edhe mund të refuzohen në zona rezidenciale, pasi që siç pohoi, objektiv kanë banorët.

*Klikoni KËTU për t’u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.

klankosova.tv

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.