Veseli merr pjesë në manifestimin fetar të përvitshëm kushtuar “Zojës së Madhe”

Kryetari i Kuvendit të Kosovës, Kadri Veseli, sot ka vizituar besimtarët katolikë në Letnicë të Vitisë, me rastin e manifestimit tradicional fetar të përvitshëm kushtuar “Zojës së Madhe”.

Ai tha se ky është një vend i bukur që ia vlen të vizitohet, transmeton Klan Kosova.

“Mijëra besimtarë nga vise të ndryshme të Kosovës dhe vende tjera, janë mbledhur në këtë festë të bukur të mbushur me shpresë, të frymëzuar nga motivet e larta shpirtërore për të demonstruar adhurim ndaj Zotit”.

“Unë i uroj të gjithë bashkombasit katolikë pēr këtë festë të rëndësishme e cila festohet edhe në Shkodër, Lezhë, Ulqin e Tivar”, shkruan Veseli në Facebook.