Vdes në moshën 88-vjeçare shkrimtari dhe fituesi i çmimit Nobel, Kenzaburo Oe

Shkrimtari japonez, i cili i dha vendit të tij çmimin e dytë Nobel për letërsinë, ishte më i njohur për veprat e tij për tmerret e luftës, si dhe për jetën e djalit të tij me aftësi të kufizuara.

Ai njihej gjithashtu si një aktivist i shquar kundër armëve bërthamore dhe energjisë bërthamore, shkruan Euronews, transmeton Klan Kosova.

Kenzaburo Oe ndërroi jetë më 3 mars 2023. Botuesi i tij Kodansha tha se vdekja e tij ishte për shkak të pleqërisë.

Ai fitoi çmimin Nobel për Letërsinë në vitin 1994, pasi gjyqtarët vlerësuan romanet e tij “të errëta poetike” për “pamjen shqetësuese të gjendjes njerëzore”.

Oe ishte dhjetë vjeç kur Japonia u mund në Luftën e Dytë Botërore. Në shkollë, ai pyetej çdo ditë nëse ishte i gatshëm të vdiste për perandorin e vendit dhe ndjeu turp kur e kuptoi se nuk ishte i gatshëm.

Klikoni KËTU për t’u bërë pjesë e kanalit zyrtar të Klan Kosovës në Viber.

Klikoni KËTU për ta shkarkuar aplikacionin e Klan Kosovës në Android, dhe KËTU për iOS.

klankosova.tv

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.