Vazhdon bashkëpunimi ndërmjet autoriteteve franceze dhe belge

Njëra nga veturat e përdorura gjatë sulmeve në Paris ishte e regjistruar në emër të një qytetari francez, i cili ishte ndaluar në kufirin Francë-Belgjikë derisa ishte në shoqërinë e dy njerëzve të tjerë, raporton prokurori francez, transmeton Klan Kosova.

Të tretë jetonin në Belgjikë dhe është thënë se nuk kanë qenë të njohur nga autoritetet franceze.

Autoritetet belge tashmë kanë thënë se arrestimet në juridiksionin e tyre kanë ardhur pasi një veture me targa belge ishte parë afër teatrit Batalcan në Paris të premten mbrëma.