Vazhdojnë zjarret në Turqi shkaku i të nxehtit,  50 mijë të evakuuar

Turqia është prekur nga zjarret gjatë ditëve të fundit pas nxehtësisë së madhe në bregdetin e saj perëndimor.

Ekipet e shpëtimit kanë evakuuar më shumë se 50,000 njerëz – kryesisht nga provinca perëndimore e Izmirit – ndërsa zjarrfikësit vazhdojnë përpjekjet për të shuar qindra zjarre.

Zjarret kanë përfshirë gjithashtu pjesë të provincave Bilecik, Hatay, Sakarya dhe Manisa, transmeton Klankosova.tv.

Ministri i Pylltarisë, Ibrahim Yumaklı tha dje se gjatë tre ditëve të fundit, ekipet e emergjencës i janë përgjigjur 263 zjarreve në të gjithë vendin.

Ministri i Shëndetësisë Kemal Memişoğlu tha se 46 persona të prekur nga zjarret po trajtohen në spitale, raporton BBC, transmeton Klankosova.tv.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.