Vazhdojnë emërimet politike në borde të ndërmarrjeve publike (VIDEO) - Klan Kosova

Na ndiqni në:


Get it on Google Play Download on the App Store

Vazhdojnë emërimet politike në borde të ndërmarrjeve publike (VIDEO)

NULL NULL
12/11/2015

Me raportin që Samuel Zhbogar ia dorëzoi Bekim Çollakut, Bashkimi Evropian i kërkon Kosovës të ndalë emërtimet politike nëpër borde të ndermarjeve publike.

Por pa kaluar as tri ditë, porosia shkoi huq. Në zyrën e Rregullatorit të Energjisë, ekzekutivi vendosi njerëz të afërt me partitë në pushtet.

E pavarësisht këtyre emrimeve, në mbledhjen e Qeverisë të enjten, Kryemnistri Isa Mustfa, u zotua se koalicioni PDK-LDK do ta bind Brukselin të jap Raport të Progresit më të mirë në vitin 2016.

Veç kësaj kryeqeveritari kosovar i shfaqi zotimet se do ta vazhdojë dialogun me Serbinë, ku pikë kritike është themelimi i Asociacionit të Komunave me shumicë serbe .

Mustafa, u shfaq optimist edhe për gjasat që kur pas dy vitesh Kosova të aplikojë për antarësim në UNESCO atëherë do t’i ketë më shumë se 95 vota të nevojshme.

Ndërkohë, zëvendësi i parë i kryeministrit, Hashim Thaçi, mos sigurimin e ulëses kosovare në këtë organizatë ditë më parë, e quan fitore . 

Për më shumë, kryediplomati fajin për krejt çka ndodhi në Paris në selinë e UNESCO-s ia lë edhe opozitës në Kosovë.

Kjo është mbledhja e parë e ekzekutivit pas zhvillimeve në UNESCO dhe publikimit të Raportit të Progresit.

Kronikë e Besnik Tahirit.