13:30, 27 Qershor 2019

Disa prej tyre janë ushtrimet e Kegelit, të cilat përveç që ndihmojnë për të arritur orgazëm më intenzive, ju ndihmojnë edhe atyre që vuajnë nga inkontinencioni (pamundësi që të kontrollohet mbajtja e urinës). Ushtrimet e Kegelit janë të thjeshta dhe mund t’i bëni gjithkund duke mos u vërejtur.

Ç’farë paraqesin ushtrimet e Kegelit?

Ushtrimet e Kegelit janë mënyra më e mirë për t’i forcuar muskujt e poshtëm të legenit (pelvikut) në mënyrë natyrale. Këtë emër e kanë fituar sipas dr. Arnold Kegel, i cili në vitin 1948 për herë të parë kishte filluar që t’i shkruajë si ilaç për të parandaluar inkontinencionin pas lindjes.

Këto ushtrime përbëhen nga shtrëngimi dhe lëshimi i muskujve të poshtëm të legenit (lat. musculus pubococcygeus), kurse ndikojnë në përmirësimin e funskionit dhe tonusit të këtyre muskujve.

Pse janë të dobishme?

Ushtrimet e Kegelit janë të dobishme si për meshkujt ashtu edhe për femrat. Femrave u sjellin shumë beneficione:

E lehtësojnë arritjen e orgazmës;

E rrisin intenzitetin e orgazmës;

E bëjnë më të madhe ndjeshmërinë e vaginës dhe kënaqësinë seksuale gjatë marrëdhënieve;

Ndihmojnë në rritjen e dëshirës për seks, sepse me shtrëngimin e lëshimin e tyre sillet më tepër gjak në organet gjenitale;

Ndihmojnë kundër paraqitjes së inkontinencionit, e posaçërisht stres inkontinencionit, i cili paraqitet gjatë teshitjes, kollitjes, vrapimit ose ngritjes së peshave të rënda;

Mendohet se ushtrimet e Kegelit ndihmojnë edhe për lindje më të lehtë, e duke ju falenderuar atyre, pas lindjes muskujt më lehtë rimerren (“shërohen”).

Si ti praktikoni ushtrimet e Kegelit?

Ushtrimet e Kegelit, si edhe të gjitha ushtrimet tjera për trup, duhet të praktikohen rregullisht. Janë të lehta dhe mund t’i praktikoni gjithkund, duke mos ju dalluar askush për rreth juve.

Ja se çfarë duhet të bëni për ta ndjerë efektin e ushtrimeve të Kegelit.

Identifikoni muskujt e saktë

Shpesh herë femrat që fillojnë me praktikimin e këtyre ushtrimeve shtrëngojnë muskuj të gabuar, si për shembull muskujt e stomakut ose muskujt e pjesës së sipërme të këmbëve.

Për të qenë të sigurt se shkaktoni kontrakcione në muskujt e saktë, mund të zgjidhni njërin nga këto dy mënyra:

Uluni në ulësen e WC-së. Deri sa urinoni, mundohuni ta mbani urinën, e pastaj ta lëshoni përsëri. Përsëriteni këtë disa herë, për ta mbajtur mend ndjenjën. Duhet të dini se praktika e ushtrimeve të Kegelit derisa urinoni nuk është e rekomanduar, sepse mund të shkaktojë infeksion urinar. (për femrat e virgjëra)

Shtrihuni dhe hapni këmbët. Vendosni gishtin në vaginë dhe mundohuni t’i shtrëngoni muskujt rreth saj. Me gishtin duhet ta ndjeni shtrëngimin e vaginës.

Bëni kontrakcionet në mënyrë të saktë

Pasi t’i identifikoni muskujt e saktë, duhet të keni kujdes në disa punë:

Mos ndaloni të merrni frymë. Duhet të jeni të lëshuar, të merrni frymë në mënyrë normale dhe të jeni në mundësi të bisedoni deri sa i bëni ushtrimet e Kegelit;

Mos i shtrëngoni muskujt e stomakut, vithet ose prapanicën;

Mos i shtrëngoni këmbët;

Ndryshoni teknikën

Është e nevojshme që këto ushtrime t’i bëni çdo ditë, por edhe të bëni dallim në shpejtësinë dhe intenzitetin.

Ja se si të bëni kontraksione të ngadalësuara:

Shtrëngoni muskujt njëjtë sikur që e mbani urinën;

Mbani të shtrënguar 10 sekonda;

Ngadalë lironi muskujt dhe numëroni deri në 10;

Përsërisni 10 herë. Bëni së paku nga 3 seri në ditë.

Nëse nuk mund t’i mbani muskujt të shtrënguar për 10 sekonda, është mirë që të filloni disa ditë duke i shtrënguar për 3-4 sekonda, e pastaj me kalimin e kohës ta rrisni kohën e shtrëngimit.

Ja se si të bëni kontaksione të shpejta:

Shtrëngoni muskujt në shpejtësi;

Mbani të shtrënguar 1 sekondë;

Lëshoni dhe pushoni vetëm 1 sekondë;

Përsërisni 10 herë. Bëni së paku 3 seri në ditë.

Për fund..

Ushtrimet e Kegelit janë të lehta dhe mund t’i bëni gjithkund – deri sa vozitni në makinë, deri sa përgatisni ushqimin ose prisni dikë. Askush nuk do të ju dallojë, kurse ju në mënyrë të fshehur do t’i shtrëngoni muskujt me çka do ta përmirësoni jetën tuaj seksuale, shkruan femina. Që të arrini më tepër kënaqësinë seksuale, provoni t’i bëni ushtrimet gjatë kohës së marrëdhënieve seksuale ose përderisa masturboni.

Konkurs Pune

Lexo më shumë