Ukraina mohon përfshirjen në shpërthimet e gazsjellësit Nord Stream

Ukraina ka mohuar çdo përfshirje në sulmin e shtatorit në gazjellësin Nord Stream, të cilat u ndërtuan për të transportuar gaz natyror rus në Gjermani.

Mohimi vjen pas një raporti nga New York Times, i cili citon zyrtarë anonimë të inteligjencës amerikane që sugjerojnë se një grup pro-ukrainas ishte fajtor.

Mykhailo Podolyak, një këshilltar i presidentit ukrainas, tha se Ukraina “absolutisht nuk ishte e përfshirë”.

Moska e hodhi poshtë raportin si një “fushatë të koordinuar të mediave të lajmeve të rreme”.

Zëdhënësi i Kremlinit Dmitry Peskov vuri në dyshim se si SHBA mund të bënte supozime pa një hetim. “Është e qartë, autorët e sulmit duan të largojnë vëmendjen,” i tha ai agjencisë shtetërore të lajmeve Ria-Novosti.

Mediat gjermane thonë se hetuesit besojnë se kanë identifikuar varkën e përdorur për të vendosur eksplozivët.

Dërgesat e gazit rus ishin pezulluar përpara shpërthimeve.

Rusia mbylli gazsjellësin Nord Stream 1 në gusht të vitit të kaluar, duke thënë se kishte nevojë për mirëmbajtje. Nord Stream 2 nuk ishte vënë kurrë në shërbim, transmeton Klankosova.tv.

Shkaku i saktë i shpërthimeve të 26 shtatorit që goditën tubacionet e gazit natyror nuk dihet, por besohet gjerësisht se ato janë sulmuar.

Moska ka fajësuar Perëndimin për shpërthimet dhe i bëri thirrje Këshillit të Sigurimit të OKB-së që t’i hetojë në mënyrë të pavarur ato.

Udhëheqësit e NATO-s dhe perëndimorëve nuk kanë akuzuar drejtpërdrejt Rusinë për sulmin e tubacioneve të veta, megjithëse BE-ja ka thënë më parë se Rusia përdor tubacionet e saj të gazit si një armë kundër Perëndimit.

Rrini të informuar mbi zhvillimet kryesore duke u bërë pjesë e komunitetit tonë në Viber

BONUS: Merreni aplikacionin tonë në Android dhe iOS