Ukraina do t’i dërgojë 87 trupa emergjence në Turqi, thotë qeveria ukrainase

Ukraina do t’i dërgojë 87 trupa shpëtimi emergjent në Turqi për të ndihmuar pas tërmetit vdekjeprurës, njoftoi të martën Kabineti i Ministrave të Ukrainës.

87 shpëtuesit janë pjesë e një detashmenti të kërkim-shpëtimit të Shërbimit Shtetëror të Emergjencave të Ukrainës.

Presidenti ukrainas Volodymyr Zelensky i shprehu ngushëllimet popullit turk të martën në një telefonatë me presidentin turk Rexhep Tajip Erdogan.

“Shpreha ngushëllimet për tragjedinë që pësoi populli turk për shkak të tërmeteve. Kam informuar për vendimin për të dërguar një grup shpëtimtarësh dhe pajisjesh nga Ukraina në Turqi për të ndihmuar në tejkalimin e pasojave. Ata së shpejti do të mbërrijnë në rajonet e prekura në Turqi”, tha Zelensky në një postim në Twitter.

Ndërkohë, në Kiev, njerëzit vendosën lule dhe qirinj në ambasadën turke të martën për të bërë nderime për viktimat e tërmetit.