U shpall kampion i antikorrupsionit nga DASH-i, Ambasada Britanike e uron Altin Dumanin

Ambasada Britanike në Tiranë ka uruar Altin Dumanin, kreun e SPAK-ut, për njohjen si kampion kundër korrupsionit nga Departamenti Amerikan i Shtetit.

Me anë të një postimi në Facebook, Ambasada Britanike thotë se ky çmim prestigjioz nxjerr në pah përpjekjet e jashtëzakonshme të Dumanit në drejtimin e punës së SPAK-ut për të luftuar korrupsionin dhe krimin e organizuar – kjo është thelbësore për progresin e reformave të Shqipërisë dhe për të siguruar besimin e qytetarëve të saj, raporton Klankosova.tv.

Më tutje në postim thuhet se qeveria e Mbretërisë së Bashkuar mbetet e vendosur për të mbështetur SPAK-un dhe reformat në drejtësi të Shqipërisë.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.