Turqia mposhtet thellë nga Italia, tifozët kërkojnë shkarkimin e menjëhershëm të trajnerit

Turqia po pëson një disfatë të rëndë në shtëpi përballë Italisë në stadiumin e Bursas, duke qenë në prag të humbjes së dytë radhazi në kuadër të Nations League.

Rezultati i thellë 1-4 në favor të italianëve ka sjellë një revoltë të madhe në tribuna, transmeton Klankosova.tv.

Tifozët vendas kanë nisur vërshëllima të forta ndaj lojtarëve, ndërsa shënjestra kryesore e mllefit të tyre është bërë përzgjedhësi italian i Turqisë, Vincenzo Montella.

Përmes koreve të njëpasnjëshme nga shkallët e stadiumit, tifozët kanë kërkuar me zë të lartë largimin e tij, duke brohoritur thirrjet "Montella, jep dorëheqje!“.

Ky shpërthim i pakënaqësisë së tifozëve vjen si pasojë e një periudhe mjaft zhgënjyese për përfaqësuesen turke, e cila krahas startit të dobët në këtë edicion të Nations League, vjen edhe pas eliminimit të hidhur që në fazën e grupeve të Kampionatit Botëror.