Frontmeni i brendit 1975, Matty Healy, ka folur për nevojën që turnetë të bëhen sa më shumë miqësorë me ambientin kur të marrë fund pandemia e koronavirusit.

Në një intervistë me ID, Healy ka përshkruar koncertet e drejtpërdrejta si “pelegrinazh fetar”, por ka paralajmëruar se ato duhet të bëhen më të qëndrueshme në mënyrë që të mbijetohet.

“Nuk e di! Kjo ide që njerëzit mund të vazhdojnë ta bëjnë atë që po e bëjnë dhe ta ngjeshin mjaftueshëm sa që ta bëjnë shoqërisht të pranueshme ka marrë fund. Duhet të ketë një lloj sacrifice”, ka thënë mes tjerash ai.