Turisti theu karrigen ‘Van Gogh’ në një muze italian, reagime të forta në rrjetet sociale

Një çift turistësh janë bërë viral në internet, por jo për arsye të mira.

Në një incident të pazakontë, ata u filmuan nga kamerat e sigurisë në muzeun Palazzo Maffei në Verona teksa u ulën mbi një karrige që ishte pjesë e një ekspozite artistike.

Vepra, e realizuar nga artisti Nicola Bolla, është një karrige e mbuluar me kristale që imiton karrigen e famshme nga piktura e Van Gogh-ut e vitit 1888.

Megjithëse objekti ishte pjesë e ekspozitës, çifti e përdori për të bërë foto, duke e dëmtuar rëndë.

Muzeu nuk ka bërë të ditur identitetin e çiftit, por ka publikuar videon me qëllim ndërgjegjësimin dhe edukimin e publikut për të respektuar artin dhe hapësirat muzeale.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.