Trump paralajmëron konflikt të madh në Lindjen e Mesme: Mund të ndodhë së shpejti

Presidenti amerikan, Donald Trump, ka paralajmëruar për mundësinë e një konflikti të madh në Lindjen e Mesme.

Sipas Trumpit, “konflikti i madh” i paralajmëruar nga ai mund të ndodhë së shpejti, teksa zyrtarët amerikanë janë gjithnjë e më të shqetësuar se rreziku i një sulmi izraelit ndaj Iranit është rritur pasi Teherani njoftoi se do të intensifikojë aktivitetet e tij bërthamore.

 “Nuk dua të them se është i afërt, por është diçka që mund të ndodhë shumë shpejt”, i tha Trump gazetarëve në Shtëpinë e Bardhë, shkruan CNN, transmeton Klankosova.tv.

Ambasadat amerikane në Lindjen e Mesme kanë kryer këtë javë vlerësime emergjente të sigurisë, dhe ky proces po vazhdon ndërsa SHBA po monitoron situatën e kërcënimit në rajon.

Kur u pyet çfarë i thanë izraelitët për të justifikuar largimin e personelit amerikan nga rajoni, Trump tha se “nuk më thanë asgjë, por unë thashë, shikoni, ka mundësi për një konflikt të madh”.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.