Na ndiqni në:


Get it on Google Play Download on the App Store

Trump emëron Philip Kosnett si ambasador në Kosovë

NULL NULL
06.07.2018 08:30

Presidenti amerikan, Donald Trump njoftoi synimin për të emëruar diplomatin Philip S. Kosnett nga Virxhinia ambasador të Kosovës.

Gjatë karrierës së tij në Shërbimin e Jashtëm, ai ka punuar në tetë misione të Shteteve të Bashkuara në Evropë, Azi dhe Lindjen e Mesme si dhe në pozita të larta drejtuese në Departamentin e Shtetit.

Diplomati amerikan është emëruar në këtë post nga kreu i shtetit amerikan, por i nevojitet miratimi nga Senati.

Pjesa më e madhe e karrierës së Kosnett ka qenë e fokusuar në bashkëpunimin ndërkombëtar të sigurisë dhe pajtimin politik.

Ai ka shërbyer si Zëvendësshef Misioni në Uzbekistan dhe në Islandë; si dhe në pozita politike, politiko-ushtarake dhe ekonomike-tregtare në Afganistan, Irak, Kosovë, Hollandë dhe Japoni, bën të ditur Shtëpia e Bardhë, transmeton Klan Kosova.

Në Uashington ai ka punuar në zyrat e Departamentit të Shtetit për Evropën, kundër-terrorizmit, politiko-ushtarake, të Inteligjencës dhe Kërkimeve, etj.

Kosnett është diplomuar në  Universitetin e Harvardit.

Ai flet turqisht, holandisht, japonisht dhe rusisht.

 

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.