Trepça e nis me fitore kampanjën e re, e ‘demolon’ Istogun

Trepça ka shënuar fitore ndaj Istogut, me rezultat 112-65 në kuadër të xhiros së parë të Prince Caffe Superligës së Kosovës në basketboll.

Mitrovicasit e nisën mirë çerekun e parë duke e fituar me shifrat 31-13, ndërsa edhe çereku i dytë u mbyll 32-22.

Edhe periudha e tretë dhe e katërt përfundoi në të mirë të klubit mitrovicas për rezultatin final 112-65.

Lojtari më i dalluari te Trepça ishte Drilon Hajrizi me 20 pikë, nëntë kërcime dhe pesë asistime. Teksa ishte i ndihmuar edhe nga Amin Hot, me 18 pikë, katër kërcime dhe katër asistime.

Kështu Trepça, pas suksesit në Superkupë, e nis me fitore edicionin e ri të elitës së basketbollit në Kosovë. /Klankosova.tv.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.