Tre zjarrfikës vdesin derisa Portugalia lufton me dhjetëra zjarre

Tre zjarrfikës portugez vdiqën të martën në një nga dhjetëra zjarret qw po shkatërrojnë rajonet qendrore dhe veriore të vendit, duke e çuar numrin e të vdekurve nga zjarret e fundit në shtatë persona që nga e shtuna, thanë autoritetet.

Portugalia po lufton me mbi 50 zjarre aktive në kontinentin e saj dhe ka mobilizuar rreth 5,300 zjarrfikës, si dhe ka bërë thirrje për ndihmë nga Bashkimi Evropian.

Autoritetet kanë mbyllur disa autostrada, duke përfshirë një shtrirje të autostradës kryesore që lidh Lisbonën me Porton, dhe kanë pezulluar lidhjet e trenave në dy linja hekurudhore në Portugalinë veriore, shkruan Reuters, transmeton Klankosova.tv.

Komandanti i autoritetit të mbrojtjes civile të ANEPC, Andre Fernandes u tha gazetarëve se tre zjarrfikës nga brigada e zjarrfikësve Vila Nova de Oliveirinha kishin vdekur ndërsa luftonin një zjarr në Nelas, një qytet rreth 300 kilometra në verilindje të Lisbonës.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.