12:16, 20 Qershor 2019

Sot është përvjetori i vdekjes së veprimtarit Enver Tali, i cili ndërroi jetë në moshën 84 vjeçare në Çikago të Shteteve të Bashkuara.

Enver Tali njihet si një veprimtar i devotshëm i çështjes kombëtare shqiptare, në rrjedhat e së cilës u fut që si nxënës i gjimnazit Sami Frashëri, pas Luftës së Dytë Botërore, dhe nuk pushoi së vepruari deri në fund të jetës, transmeton Klan Kosova.

Ai ishte një mësimdhënës dhe edukator shembullor i brezit të ri, ndërsa për veprimtari të organizuar atdhetare, në Komitetin Revolucionar për Bashkimin e Trojeve Shqiptare në Jugosllavi – me Shqipërinë, së bashku me Kadri Halimin e Ali Aliun dhe shumë të tjerë, u burgos dhe u dënua me burg të rëndë prej 5 vjetësh dhe më vonë disa herë u izolua si person ideopolitikisht i papërshtatshëm dhe i rrezikshëm për pushtetin popullor jugosllav.

Në vitet e ’90-ta u detyrua të largohet në Turqi, ku dha një kontribut të jashtëzakonshëm në afirmimin e çështjes së Kosovës. Ai atje hapi Përfaqësinë e Republikës së Kosovës në vitin 1996, zyre kjo që dha një kontribut të veçantë në sensibilizimin e çështjes së Kosovës në Turqi dhe para trupit të huaj diplomatik atje.

Përmes kësaj zyreje Enver Tali dha një kontribut shumë të çmuar edhe në mbështetje të luftës së armatosur për çlirimin e Kosovës, në strehimin e refugjatëve, në shërimin e të sëmurëve, por edhe në shkollimin e të rinjve shqiptarë.

klankosova.tv

Konkurs Pune

Lexo më shumë