14:34, 28 Maj 2020

Ministria e Shëndetësisë në Maqedoninë e Veriut bën të ditur se gjatë 24 orëve të fundit, nga 560 teste të realizuara, 38 kanë rezultuar pozitiv me Covid-19.

Sipas qyteteve, 24 raste të reja janë regjistruar vetëm në Shkup, 4 raste janë regjistruar në Kumanovë, 4 në Shtip, 3 në Tetovë, 1 në Manastir dhe 2 në Negotinë.

Instituti i Shëndetit Publik brenda 24 orëve të fundit ka regjistruar 16 pacientë të shëruar. Sipas qyteteve, Shkupi, Kumanova dhe Manastiri kanë nga një pacient të shëruar, Velsei 9 pacientë, Prilepi 4.

Në Klinikën Infektive në Shkup ka ndërruar jetë një pacient 74 vjeçar i cili ishte shtruar në spital me 21 maj. Në spitalin e qytetit “8 shtatori” ka ndërruar jetë një pacient i moshës 57 vjeçe, i cili ishte pranuar në spital me 23 maj. Në një spital privat në Shkup është marrë mostër post mortum tek një pacient 53 vjeç, rezultati i të cilit është pozitiv.

Sipas statistikave të fundit, që nga fillimi i pandemisë, atje  janë realizuar 27,023 testime, prej të cilëve 2.077 kanë rezultuar pozitiv me Covid-19. Nga Covid-19 janë shëruar 1.486 pacientë, kurse kanë vdekur 122 pacientë. Për momentin janë 469 raste aktive me koronavirus./alsat m/

Konkurs Pune

Lexo më shumë