Tre të vdekur nga shkëmbimi i zjarrit mes bandave të drogës në Marsejë

Tre burra janë qëlluar për vdekje në një makinë në qytetin jugor francez të Marsejës, ku kohët e fundit ka pasur një rritje të dhunës në rastet ndaj drogës.

Pesë persona ndodheshin në automjet dhe sapo kishin dalë nga një lokal nate u qëlluan me kallashnikovë, thotë policia.

Dy persona ose ata që ishin në shënjestër u larguan nga vendi i ngjarjes, ashtu si edhe sulmuesit e panjohur.

Policia e lidh ngjarjen me tregtinë e drogës. Ky rast e çon në 21 numrin e vrasjeve të lidhura me drogën në Marsejë deri më tani këtë vit, raporton agjencia e lajmeve AFP.

Të shtënat e fundit kanë ndodhur në një zonë banimi të qytetit të dytë më të madh të Francës. Makina që transportonte pesë burrat – të gjithë rreth të 20-ave – u qëllua menjëherë pasi ata u larguan nga klubi i natës, transmeton Klankosova.tv

Hetuesit i thanë mediave franceze se të pestët ishin të njohur për policinë dhe jetonin në një zonë banimi ku krimi i drogës është i përhapur.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.