Tradita dhe simbolika pse dhurohet unaza për fejesë

Dhënia e unazës së fejesës është një traditë e lashtë, e cila simbolizon dashurinë, besnikërinë dhe angazhimin mes dy personave që vendosin të ndërtojnë një jetë së bashku.

Kjo zakonisht lidhet me romakët e lashtë, të cilët besonin se unaza e vendosur në gishtin e katërt të dorës së majtë ishte e lidhur drejtpërdrejt me “venën e dashurisë” (vena amoris), që thuhej se çonte drejtpërdrejt në zemër.

Në mesjetë, fisnikët evropianë filluan të përdorin unaza me diamante si simbol të një dashurie të përjetshme, për shkak të fortësisë dhe shkëlqimit të gurit.

Me kalimin e kohës, kjo u kthye në një traditë që u përhap në mbarë botën.

Sot, unaza e fejesës mbetet simbol i rëndësishëm i përkushtimit dhe një gjest romantik që shënon fillimin e një rrugëtimi të ri në jetë.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.