Tomë Gashi thotë se Astrit Dehari ishte goditur në ballë me boks të hekurit - Klan Kosova


Na ndiqni në:


Get it on Google Play Download on the App Store

Tomë Gashi thotë se Astrit Dehari ishte goditur në ballë me boks të hekurit

Gashi ka bërë të ditur se për të gjitha këto, nesër në orën 12:00 do të mbajë konferencë për media në zyrën e tij në Prishtinë.

NULL NULL
11/08/2022

Avokati Tom Gashi ka thënë se i ndjeri Astrit Dehari, në ditën kritike, sipas të gjitha rrethanave, është goditur në ballë me boks të hekurit.

Në llogarinë e tij në Facebook, ai ka theksuar se para katër muajsh i është drejtuar me shkrim prokurorit të rastit, Afrim Shefkiut, mirëpo, sipas tij, deri më tash nuk ka marrë përgjigje, njofton Klan Kosova.

“Prokurorit të rastit Afrim Shefkiu me shkrim, që katër muaj, i kërkuam që të iniciojë hetim penal dhe të identifikojë se kush i manipuloi provat e dërguara në Zvicër, prokurori nuk përgjigjet fare. Prokurorit të rastit i janë bërë dhjetëra kërkesa, në të cilat ai nuk është përgjigjur asnjëherë dhe njëra prej tyre është që të kërkojë sqarime nga ekspertët e mjekësisë ligjore në Prishtinë lidhur me plagët e shkaktuara te Astrit Dehari në ballë e që janë në forma sferike të rrumbullakëta dhe që kanë largësi e diametër të njëjtë dhe, sipas të gjitha rrethanave, janë shkaktuar me goditje me boks të hekurit”.

Gashi ka bërë të ditur se për të gjitha këto, nesër në orën 12:00, do të mbajë konferencë për media në zyrën e tij në Prishtinë.

Më poshtë mund ta lexoni shkrimin e plotë të tij në Facebook:

klankosova.tv