“Tmerret atje rifreskuan përjetimet që kaloi Kosova”, llapjanët ndihmojnë ukrainasit (VIDEO)

Qytetarët e Podujevës, të asistuar nga Komuna dhe ushtarakët ukrainas të KFOR-it, dje nisën kontingjentin me ndihma drejtuar Ukrainës. E për këtë, kryetari i kësaj komune, Shpejtim Bulliqi, në Sytë 7 në Klan Kosova, tha se ishte vullnet i madh i qytetarëve, që të shtrijnë dorën e humanizmit, meqenëse tmerret atje rifreskuan kujtimet që i ka kaluar edhe Kosova më se dy dekada më parë.

Bulliqi në Sytë 7 ka folur edhe për projektet që janë duke i bërë në Komunë.

I njëjti ka thënë se 3 milionë euro i kanë siguruar nga donacione të jashtme, për një mori projektesh. “Një prej sfidave kryesore është autostrada Prishtinë-Podujevë. Ndërtimi i kësaj rruge kishte nis për qëllime politike në fazën e parë. Duke hartuar projekt të përgjysmuar, që nuk ka qenë i parapamë me të gjitha pikat e nevojshme për një projekt të mirëfilltë, prandaj po e shoqërojnë një varg pengesash”.