Tjetër çmenduri “sociale”, sfida “BBC” rrezikon jetë njerëzish NULL NULL 12.01.2019 15:57 12.01.2019 15:57 Policia në shtetin amerikan Utah ka marrë një hap të pazakontë, duke iu kërkuar banorëve të mos ngasin makinat me sytë e lidhur për të ndjekur një sfidë të lëshuar “online”, të frymëzuar nga një film horror që ka çuar tashmë në disa aksidente. Një adoleshente, që kishte mbyllur sytë me kapuçin e saj, hyri në trafik teksa ngiste makinën në qytetin Layton, ndërsa merrte pjesë në të ashtuquajturën “Bird Box Challenge”. Çmenduria është frymëzuar nga filmi i “Netflix”-it, “Bird Box”, ku luan Sandra Bullock. Javën e shkuar, “Netflix” paralajmëroi fansat të mos përpiqen të provojnë sfidën. Ndërsa këtë javë, e njëjta këshillë vjen nga Departamenti i Policisë së Laytonit. 17-vjeçarja nga Laytoni, pasagjerja e saj 16-vjeçare dhe të tjerë persona dolën nga aksidenti me lëndime jo serioze. Sidoqoftë, policia ka kërkuar që shoferja të akuzohet për drejtim të pakujdesshëm makine. Në filmin e “Netflix”-it, Bullock luan rolin e nënës së dy fëmijëve të mitur, e shpesh lidh një shall mbi sy për të mos parë forcat misterioze, që i detyrojnë njerëzit të kryejnë vetëvrasje, shkruan tch. Ajo përpiqet t’i çojë fëmijët në një vend të sigurtë, përmes një lumi të rrëmbyer dhe një pylli të dendur, pa mundur që të shohë. Filmi ka frymëzuar disa fansa të krijojnë “#BirdBoxChallenge”, çfarë ka bërë që të regjistrohen raste të përplasjes së njerëzve me mure apo t’i afrohen në mënyrë të rrezikshme trafikut. *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.