‘Ti je një mrekulli’: Vazhdojnë shpëtimet në Turqi 150 orë pas tërmetit (VIDEO)

Në Hatay të Turqisë një vajzë 12-vjeçare, Cudie, u shpëtua pasi u bllokua për 147 orë nën rrënoja.

Media shtetërore raportoi gjithashtu për një 13-vjeçar të shpëtuar në Gaziantep të dielën, me shpëtimtarët duke thënë: “Ti je një mrekulli”.

Numri i personave të konfirmuar se kanë vdekur në Turqi dhe Siri është rritur në më shumë se 28,000.

Siria nuk ka raportuar një numër të përditësuar të vdekjeve që nga e premtja, kështu që numri i vërtetë ka të ngjarë të jetë më i lartë.

Shpresat për gjetjen e shumë të mbijetuarve janë pakësuar dhe në terren ka një ndjenjë se misioni i shpëtimit do të përfundojë së shpejti.

Forca Siriane e Mbrojtjes Civile, ose Helmetat e Bardha, e cila operon në zonat e kontrolluara nga rebelët e vendit, i ka thënë BBC-së se përpjekjet e grupit të kërkimit po mbyllen.

Por dhjetëra mijëra shpëtimtarë vazhduan kërkimet e tyre gjatë natës nëpër zonat e prekura në Turqi dhe Siri, transmeton Klankosova.tv.

Pamje nga shpëtimet mund t’i gjeni në vegzën e mëposhtme:

https://www.bbc.com/news/world-middle-east-64617245

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.