18:29, 16 Maj 2019

Kryeministrja britanike Theresa May, ka premtuar të caktojë një afat kohor për zgjedhjen e pasardhësit të saj, pas votimit tjetër për marrëveshjen e Brexit në javën e parë të qershorit.

Marrëveshja vjen pas një takimi midis kryeministres dhe anëtarëve të lartë të Partise Konservatore, të cilët po kërkojnë një datë për largimin e saj nga Downing Street.

Nëse ajo humbet votën në planin e saj të Brexit, i cili tashmë është hedhur poshtë tri herë, sipas burimeve të BBC-së ajo do të japë dorëheqjen.

Ndërkohë, Boris Johnson ka thënë se do të kandidojë për udhëheqës pas largimit të May.

May i mbijetoi një votimi të mosbesimit të deputetëve konservatorë në fund të vitit të kaluar dhe rregullat ekzistuese nënkuptojnë se ajo nuk mund të sfidohet formalisht deri në dhjetor.

Konkurs Pune

Lexo më shumë