13:44, 24 Maj 2019

Presidenti i vendit, Hashim Thaçi, ka thënë se Kryeparlamentari Kadri Veseli është viktimë e mashtrimeve dhe përgojimeve të emrave të personaliteteve publike që po bëhet tash e një kohë të gjatë.

Ai ka thënë se Veseli shquhet për pastërtinë dhe etikën e punës së tij, transmeton Klan Kosova.

“Unë nuk mund të flas në emër të asnjë partie politike pasi që jam Presidenti i vendit. Drejtësia duhet ta kryejë punën e vet”.

“Unë jam i tmerruar me mashtrimet, përgojimet dhe keqpërdorimet e emrave të personaliteteve publike tash e një kohë të gjatë. Kësaj radhe është përgojuar edhe emri Kryetarit të Parlamentit, Kadri Veselit, i cili shquhet për pastërtinë, moralin dhe etiken e tij të punës”.

“Organet e drejtësisë duhet ta kryejnë punën e vet. Nga ajo që mund të shihet deri më tani dhe që është konstatuar nga të gjithë, Veseli është vetëm një viktimë e këtij maskarallëku”.

Për t’u informuar më shumë rreth kësaj ngjarje, ndiqni kronikën e përgatitur nga Klan Kosova.

klankosova.tv

Konkurs Pune

Lexo më shumë