Thaçi takon kryeparlamentarin e Maltës

Në ditën e dytë të vizitës zyrtare, Thaçi ka zhvilluar një takim edhe me kryeparlamentarin e Maltës, Anġlu Farrugia, me të cilin ka biseduar për mundësinë e thellimit të bashkëpunimit ndërshtetëror në diplomacinë parlamentare.

Thaçi dhe Anġlu theksuan se parlamentet  e të dy shteteve kanë themeluar komisione parlamentare, që nuk gjenden shpesh as në parlamentet e shteteve anëtare të Bashkimit Evropian. Ata u shprehën se është e rëndësishme që të rritet bashkëpunimin në mes të dy parlamenteve, e posaçërisht të shkëmbehen përvojat në nivel të parlamenteve dhe komisioneve parlamentare, dhe nënvizuan rëndësinë e rolit të kuvendit në mbikëqyrjen e financave publike dhe përgjegjësive publike.

Ndër të tjera, kryediplomati kosovar gjatë ditës është takuar edhe me ministrin e punëve të brendshme të këtij shteti,transmeton Klan Kosova.