Presidenti i vendit, Hashim Thaçi, ka shprehur ngushëllime për vdekjen tragjike të dy minatorëve sot në Minierën e Artanës.

“Thellësisht i pikëlluar me humbjen e jetës së dy punonjësve në Minierën e Artanës, si pasojë e shembjes së dheut. U shpreh ngushëllime të thella familjeve, të afërmve dhe gjithë kolegëve të tyre”, ka shkruar Thaçi në Facebook.

Ai poashtu ka thënë që institucionet e Kosovës duhet të përkujdesen që punëtorët të jenë gjithmonë të mbrojtur në vendet e tyre të punës.