Thaçi falënderon miqtë ndërkombëtarë pas pavarësisë energjetike nga Serbia

Presidenti Hashim Thaçi ka thënë se marrëveshja e votuar sot në mes të KOSTT-ENTSO-E është një arritje e madhe e Kosovës dhe shembull se si duhet vazhduar përpara drejt realizimit dhe synimeve strategjike.

Thaçi nëpërmjet një postimi në Facebook ka falënderuar miqët ndërkombëtarë për përkrahjen e vazhdueshme, njofton Klan Kosova

Ky është postimi i plotë i Thaçit:

Nga sot Kosova është e pavarur edhe në fushën e energjisë. Është votuar Marrëveshja e Kyçjes së re nga Grupi Rajonal i Evropës Kontinentale, trup i ENTSO-E, me të cilën ka filluar përmbyllja e procesit të gjatë dhe të mundimshëm të pavarësimit të rrjetit energjetik të Kosovës, përkundër rezistencës së Serbisë.

Kjo është një e arritur e madhe e Kosovës dhe shembull sesi duhet vazhduar përpara drejt realizimit të synimeve tona strategjike.

I jemi mirënjohës të gjithë miqve tanë ndërkombëtarë për përkrahjen e vazhdueshme dhe për përkrahjen e tyre në implementimin e kësaj marrëveshjeje.