Të paktën 20 të zhdukur pas fundosjes së një varke në Tunizi

Të paktën 20 persona rezultojnë të zhdukur pasi një varkë që po përpiqej të kalonte Mesdheun u përmbyt në Tunizi.

Roja bregdetare shpëtoi 17 të tjerë, dy prej të cilëve janë në gjendje kritike, pasi anija u fundos në brigjet e Sfax, tha të shtunën gjykatësi Sfax Faouzi Masmousdi.

Javët e fundit, dhjetëra persona janë zhdukur ose kanë vdekur në disa aksidente me mbytje në brigjet e Tunizisë, shkruan Aljazeera, transmeton Klankosova.tv.

Tunizia ka zëvendësuar Libinë si një pikënisje kryesore për njerëzit që ikin nga varfëria dhe konflikti në Afrikë dhe Lindjen e Mesme me shpresën për një jetë më të mirë në Evropë.

Garda Kombëtare e Tunizisë tha të premten se më shumë se 14,000 refugjatë, kryesisht nga Afrika Sub-Sahariane, u kapën ose u shpëtuan në tre muajt e parë të vitit ndërsa përpiqeshin të kalonin në Evropë, pesë herë më shumë se shifrat e regjistruara në të njëjtën periudhë të vitit të kaluar.

“Patrullat e rojes bregdetare parandalojnë 501 përpjekje klandestine për të kaluar kufirin detar dhe shpëtuan 14,406 [refugjatë] duke përfshirë 13,138 nga vendet e Afrikës Sub-Sahariane”, nga 1 janari deri më 31 mars”, thuhet në një deklaratë.

Klikoni KËTU për t’u bërë pjesë e kanalit zyrtar të Klan Kosovës në Viber.

Klikoni KËTU për ta shkarkuar aplikacionin e Klan Kosovës në Android, dhe KËTU për iOS.