Të paktën 14 të vrarë në Luhansk dhe Donetsk

Të paktën 14 civilë janë vrarë në rajonet lindore të Luhansk dhe Donetsk gjatë “sulmeve masive” të kryera nga forcat ruse, tha ushtria ukrainase.

15 persona të tjerë janë plagosur.

Në një postim në Facebook, thuhet se trupat ruse kishin përdorur aeroplanë, raketahedhës të shumtë, artileri, tanke, mortaja dhe raketa në sulmin e tyre.

Të dy qytetet janë përballur me një breshëri sulmesh që nga fillimi i pushtimit rus të Ukrainës tre muaj më parë.