Tash, mund ta pyesni edhe komunën e Mimozës - Klan Kosova

Na ndiqni në:


Get it on Google Play Download on the App Store

Tash, mund ta pyesni edhe komunën e Mimozës

NULL NULL
04/05/2015
Sot në Gjakovë nis aktiviteti katër ditor i quajtur “PYT” komunën tënde, ku qytetarët do të kenë mundësi t`i bëjnë pyetje komunës përmes një kamere e cila do të vendoset në qendër të qytetit brenda një kabine.

 

Sot në Gjakovë nis aktiviteti katër ditor i quajtur “PYT” komunën tënde; aktivitet ky i implementuar në kuadër të projektit të UNDP-së, “Mbështetja e Përpjekjeve Kundër Korrupsionit në Kosovë (SAEK)” në bashkëpunim me komunën e Gjakovës.

“Gjatë kësaj fushate qytetarët do të ftohen për të bërë pyetje për komunën e tyre, përkatësisht komunën e Gjakovës, përmes një kamere e cila do të vendoset në qendër të qytetit brenda një kabine. Pas kësaj, zyrtarët përkatës të komunës do të përgjigjen për pyetjet e bëra po ashtu përmes videos – mirëpo prej zyreve të tyre. Një version i edituar i videos me pyetje dhe përgjigje do të transmetohen në stacionet e medias lokale, webfaqet komunal dhe ëebfaqen të UNDP-së. Kabina është paraparë të vendoset dy ditë në qendër të qytetit, përkatësisht përballë hotel “Pashtriku”-të pranë parkut të qytetit (4-6 Maj), dhe dy ditë afër kafeve në pazarin e qytetit (7 -8 Maj)” bën të ditur zyra për informin e Komunës së Gjakovës..

Qëllimi i këtij aktiviteti është që t`ju ofroj qytetarëve mënyra më inovative dhe të lehta për të komunikuar me zyrtarët komunal në lidhje me çështjet që i preokupojnë ata.