Tarifat e Trumpit: Kosova, Shqipëria e Mali i Zi nga 10%, Serbia 37, Bosnja 35 e Maqedonia 33%

Presidenti i Shteteve të Bashkuara, Donald Trump, njoftoi të mërkurën se ShBA-ja do të vendosë një tarifë bazë prej 10 për qind për importet nga të gjitha vendet e botës.

Veç tarifës bazë, vendeve të caktuara u është shtuar edhe një përqindje tjetër.

Për shembull, ndaj Kosovës ka vendosur vetëm tarifën bazë prej 10 për qind, sikurse edhe ndaj Shqipërisë e Malit të Zi, raporton Klankosova.tv.

Ndërsa, nga vendet tjera nga Ballkani, Serbia është ndëshkuar më së shumti, me 37 për qind.

Bosnje dhe Hercegovinës i është vendosur tarifë po ashtu e lartë, prej 35 për qind, ndërsa Maqedonisë së Veriut 33 për qind.

Trumpi ka thënë se Shtetet e Bashkuara do t’u vënë gjysmën e tarifave tregtare dhe barrierave të tjera që vendet e tjera “e ngarkojnë ShBA-në”.

Për shembull, ai tha se Bashkimi Evropian ngarkon tarifa 39% për importet amerikane, kështu që ShBA do të vendosë tarifa prej 20% ndaj BE-së.

Këto janë tarifat që ai ka propozuar për vendet e tjera:

34% Kinës

26% Indisë

25% Koresë së Jugut

24% Japonisë

32% Tajvanit

10% Mbretërisë së Bashkuar

46% Vietnamit

31% Zvicrës /Klankosova.tv

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.