Takimi për energjinë në Bruksel, pa rezultate - Klan Kosova


Na ndiqni në:


Get it on Google Play Download on the App Store

Takimi për energjinë në Bruksel, pa rezultate

NULL NULL
12/05/2015
Në Bruksel është zhvilluar takimi për energjetikë i cili ka përfunduar pa rezultate konkrete. Edita Tahiri, Ministrja e Dialogut, ka deklaruar se bisedimet kanë qenë të gjata dhe të vështira.

Është mbajtur në Bruksel takimi për energjetikë ku janë diskutuar çështjet që kanë të bëjnë me zbatimin e marrëveshjes dhe plan-veprimit për energji, të ndërmjetësuara nga BE.

Sipas Edita Tahirit, Ministres së Dialogut, kjo ka ndodhur për shkak se Serbia tërë kohën është angazhuar që të paraqesë kërkesa të reja që bien ndesh me marrëveshjen e Brukselit për energji.

Ministrja pas takimit ka deklaruar se dialogu ka qenë i gjatë dhe i rëndë, dhe se kishte për qëllim tejkalimin e disa pengesave në drejtim të zbatimit të marrëveshjes për energjinë.

Pala serbe ka pasur tendenca që të bisedohet për distribucionin e energjisë, për të cilin marrëveshja e bën të qartë se nuk do të ketë kompani të tjera që mund të japin shërbime për distribucionin e energjisë, sepse në bazë të kornizës legjislative në Kosovë vepron një kompani publike për këtë çështje e që është KEDS-si.

Pala e Kosovës ka refuzuar kategorikisht që të diskutohet për temën e distribucionit të energjisë, si dhe për të gjitha temat tjera që janë jashtë marrëveshjes së nënshkruar nga të dyja shtetet dhe Bashkimi Evropian.

Në këtë kontekst, ministrja Tahiri ka shtuar se pala serbe vazhdimisht ka tentuar të nxisë diskutime edhe për legalizimin e operatorëve ilegalë serbë të energjisë që veprojnë në veri të vendit.

Ndër tjerash ka pasur edhe kërkesa për ta licencuar kompaninë ilegale “Elektrokosmet”, për ofrim të shërbimeve komerciale. Pala kosovare nuk e ka pranuar kërkesën, duke kërkuar që Serbia të shuajë të gjithë operatorët e saj ilegalë në Kosovë dhe të mos e shkel marrëveshjen e Brukselit.