Takim me përfaqësues serb tek "Kroi i Vitakut" - Klan Kosova

Na ndiqni në:


Get it on Google Play Download on the App Store

Takim me përfaqësues serb tek “Kroi i Vitakut”

NULL NULL
21/05/2015
Një takim është duke u zhvilluar në lagjen "Kroi i Vitakut" në veri të Mitrovicës në mes të 30 banorëve shqiptarë dhe përfaqësuesve serb , së bashku me kryetarin e komunës së Mitrovicës së Jugut, Agim Bahtiri.

Problemi i  ndërtimit të shtëpive në këtë lagje ka mbledhur bashkë banorët shqiptarë dhe pëfaqësues serb. Qytetarët shqiptarë në atë pjesë kanë kërkuar  që të mos pengohen në ndërtimin e shtëpive të tyre. Probleme me ndërtimin e shtëpive po kanë tash e një kohë banorët e kësaj ane.

Takimi është duke u zhvilluar në shkollën fillore të Suhodollit.

Në takimin që ka filluar më herët, banorët e “Kroi i Vitakut” janë duke diskutuar  me Ministrin e Administrimit dhe Pushtetit Lokal Lubomir Mariq, atë për komunitete dhe Kthim Dalibor Jevtiq, me kryetarin e veriut të Mitrovicës Goran Rakiq, atë të jugut Agim Bahtirin dhe shefen e administratës në komunën e veriut Adriana Hoxhiq, për të zgjedhur problemin e ndërtimit të shtëpive në këtë lagje.