Tahiri (PDK): Kurti, përgjegjës direkt i situatës së krijuar në arsim - Klan Kosova


Na ndiqni në:


Get it on Google Play Download on the App Store

Tahiri (PDK): Kurti, përgjegjës direkt i situatës së krijuar në arsim

NULL NULL
19/09/2022

Shefi i grupit parlamentar i PDK-së, Abelard Tahiri, ka thënë se kryeministri Albin Kurti, është përgjegjësi direkt i situatës së shkaktuar në arsim.

Pas mbledhjes së kryesisë, ai i bëri thirrje kryeministrit dhe ministres së Arsimit, Arbërie Nagavcit, të gjejnë urgjentisht një zgjidhje me sindikatat.

“Po hyjmë në javën e katërt që mësimi në Kosovë nuk po mbahet. Janë rreth 320 mijë nxënës të cilët nuk po e vijojnë mësimin, rreth 30 mijë mësimdhënës të cilët s’po e vazhdojnë punën e tyre. Kjo është e papranueshme dhe është e papranueshme kryeneçësia e Kurtit i cili është përgjegjës direkt për këtë situatë e cila është shkaktuar në arsim”.

“Dëm i madh që po i shkaktohet mbi të gjitha të ardhmes së Kosovës. Humbja e mijëra orëve të mësimit dhe mosshqetësimi fare i qeverisë është e paprecedentë. I bëjmë thirrje urgjente Kurtit dhe Nagavcit të ulen me sindikatat dhe të gjejnë zgjidhje”, tha ai, njofton Klankosova.tv.