Szunyog takohet me Krasniqin, flasin për rolin e opozitës në marrëveshjen Kosovë-Serbi

Shefi i Zyrës së Bashkimit Evropian në Kosovë, Tomas Szunyog, është takuar me kryetarin e PDK-së, Memli Krasniqi.

Szunyog me anë të një postimi në Twitter, ka treguar se me kreun e PDK-së, ka diskutuar në lidhje me mbështetjen e opozitës për zbatimin e marrëveshjes mes Kosovës dhe Serbisë në rrugën e normalizimit të marrëdhënieve.

“U takova sot me PDK-në, Memli Krasniqi & Abelard Tahiri për të diskutuar mbështetjen e opozitës për zbatimin e menjëhershëm të Marrëveshjes në rrugën e normalizimit mes Kosovës dhe funksionimin efektiv të Kuvendit të Kosovës”, ka shkruar Szunyog.

Kujtojmë, Krasniqi ka thënë se marrëveshja pa njohje reciproke, e përqendruar në një asociacion të avancuar e autonomi politike për komunitetin serb dhe pa garanci për integrimin euro-atlantik të Kosovës është dështim i madh politik e kombëtar.

Klikoni KËTU për t’u bërë pjesë e kanalit zyrtar të Klan Kosovës në Viber.

Klikoni KËTU për ta shkarkuar aplikacionin e Klan Kosovës në Android, dhe KËTU për iOS.