Surroi: Formimi i Qeverisë pa pëlqimin e Vetëvendosjes si parti e parë është antikushtetues (VIDEO) NULL NULL 09.04.2020 21:24 09.04.2020 21:24 Sipas shkrimtarit dhe publicistit, Veton Surroi, çdo përpjekje për krijimin e Qeverisë. pa pëlqimin e partisë më të votuar do të ishte antikushtetues. “Çfarëdo përpjekje për të formuar Qeveri pa pëlqimin e Lëvizjes Vetëvendosje, ose në kundërshtim me vullnetin e saj do të jetë kundër kushtetues, siç ka qenë kundër kushtetuese sipas Gjykatës Kushtetuese në rastet e më hershme”. “Çdo gjë që është përtej gjendjes së tanishme “adakta” do të jetë një përpjekje për dhunim kushtetues dhe për degjenerim të mëtutjeshëm të ambientit politik në Kosovë. Kjo është e panevojshme”, ka thënë Surroi në Rubikon në Klan Kosova. Surroi ka theksuar se bashkë me krizën e pandemisë, në Kosovë duhet të zgjidhet edhe ajo politike. “Mençuria e këtij vendi do të ishte që këtë krizë të pandemisë dhe krizën politike ta zgjidhë gradualisht. Fillimisht duke mos u zhytur më thellë si në pandemi, ashtu edhe në baltën politike e cila është këtu dhe duke e zgjidhur krizën e pandemisë, në mënyrë paralele të zgjidhen edhe problemet politike”, ka thënë Surroi. *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
Kosova Dy të vrarë e 6 të plagosur në kryeqytet më 2024 - kritikë për masat ndëshkuese (VIDEO) 13 orë më parë