Super Liga e Kosovës: Sigal Prishtina 104:60 KB Peja NULL NULL 24.11.2019 18:43 24.11.2019 18:43 Ka përfunduar ndeshja e basketbollit midis skuadrës Sigal Prishtina dhe KB Peja me rezultat 104:60 në favor për kryeqytetasit. Kjo përballje që është zhvilluar në kuadër të Super Ligës së Kosovës, është luajtur në palestrën e “Pallatit të Rinisë” në Prishtinë, njofton Klan Kosova. Pjesa e parë e këtij takimi ka përfunduar me rezultat 58:34, ku prishtinasit ishin dukshëm më të mirë. Paraqitjen e mirë kampionët e kanë vazhduar edhe në pjesën e dytë, kështu duke arritur që ta përmbyllin takimin me rezultat 104:60. Te Prishtina u dalluan Meriton Ismaili me 21 pikë, Mikaile Tmusiq dhe Divine Myles nga 18 sosh dhe Fahro Alihoxhiq me 13 pikë dhe 12 kërcime. Te Peja më i miri ishte Henrik Sirko me 12 pikë dhe nëntë kërcime. Sigal Prishtina tani ka shtatë fitore dhe tre humbje, kurse Peja katër fitore dhe gjashtë humbje. klankosova.tv *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
